Тарихи RUF CTR спорткар аукционда сатылымға шығарылды

Gooding аукционы 1980 жылдардағы бірегей спорткарды сату үшін ұсынады. CTR (Group C Turbo RUF) индексті купесі Porsche көліктерін жаңартушы RUF ательесінің инженерлері жасап, ең жылдам машиналардың бірі болған. Аукционға ұсынылған автомобиль 1989 жылдан бері тек 1.7 мың км жүрді.

1980 жылдардың екінші жартысында RUF инженерлері CTR жобасын жарысқа қабілетті, динамикасы мен максимал жылдамдығы жағынан әйгілі автокөліктермен бәсекеге түсетін спорткар ретінде құрды. Бұл модель Porsche 911 базасында жасалған. 911 Turbo шассиі кең болғандықтан, аэродинамикаға теріс әсер етуі мүмкін. Сондықтан, алюминий мен шыны пластиктен жасалған жаңа шанақ панельдері модификацияланып, салмағы шамамен 2 центнерге азайды.

Аэродинамиканы жақсарту үшін үлкен спойлер мен бүйірлік кішкене айна орнатылды, артқы аркаларды кеңейтіп, дөңгелектердің көлемін ұлғайтты. Машина жаңа тежеуіштермен жабдықталып, салонында шанақтың беріктігін арттыратын алюминийден жасалған қауіпсіздік каркасы пайда болды.

Porsche 3.2 литрлік оппозит моторы алынған. Көлемі 200 текше сантиметрге үлкейіп, жарысқа арналған отын бүрку жүйесі мен интеркулерлері бар қосарлы турбокомпрессор орнатылды. Нәтижесінде, қозғалтқыштың қуаты 469 ат күшіне (553 Нм) жетті, бірақ шынайы қуаты шамамен 500 күшке тең болды. Кейбір көліктерге студия 6 сатылы механикалық қорап орнатты.

Тәуелсіз тесттер кезінде CTR алғашқы жүздікке (60 миль/сағ) 3.5-4 секундта жетсе, максималды жылдамдығы 340 км/сағаттан асты. Осылайша, кастомдық Porsche 911 1980 жылдардың соңы мен 1990 жылдардың басындағы ең жылдам көліктердің бірі атанды. Бұл купе «Нюрбургрингте» бейресми рекорд орнатты.

[media=https://www.youtube.com/watch?v=OSMCfPASImQ]

Саудаға шыққан екземпляр фирмалық Blutengelb түсіне боялған, осыған байланысты Yellowbird деп аталады. Барлығы шамамен отыз спорткар шығарылған, оның ішінде 6 сатылы қораппен шыққан төрт көліктің бірі. 1989 жылдан бері бұл автомобиль климат реттегішінде сақталып, аз жүрді. RUF CTR-мен бірге түпнұсқа құжаттар, CTR-ге арналған құрал-жабдықтар жинағы, түрлі аксессуарлар мен қосалқы бөлшектер беріледі. Бұл автомобиль кемінде 6 миллион долларға сатылуы мүмкін.