Mercedes-Benz C-класқа V8 қозғалтқышын қайтарады

AMG әзірлеген қазіргі C-кластың ең қуатты нұсқасы 2022 жылы жарық көрген, бірақ дәстүрлі V8-дің орнын 2 литрлік төрт цилиндрлі мотор басқаны клиенттерге ұнамады. Autocar хабарлағандай, компания бұл шешімін қайта қарап, C 63 моделіне V8-ді қайтаруды жоспарлап отыр. Бренд жаңа қозғалтқышты биыл көрсетеді. Электромобиль саласы да жақсы дамып келеді.

V8 қозғалтқышының қайта оралуы

Жаңа агрегат туралы ресми ақпарат әлі жарияланбады, бірақ инсайдерлердің мәліметінше, ол танымал 4 литрлік блокқа негізделеді. Компания дәстүрлі айқыш пішінді иінді білік орнына жалпағын қолданады, соның арқасында қозғалтқыш кішірейіп, төрт цилиндрлі мотордың орнына жайғасады. Отын тұтыну мөлшерін азайтып, экологиялық көрсеткішті жақсарту үшін мамандар трансмиссияға кіріккен стартер-генератор қояды. Көлікті V8-дің дыбысын беретін арнайы синтезатормен жабдықтайды.

Агрегат биыл Mercedes-Benz CLE-дің флагмандық нұсқасына, ал 2026 жылы рестайлингтен өткен C-класқа орнатылады.

EQS моделінің жаңаруы

Компания қатты денелі аккумулятормен жабдықталған электрокардың суреттерін жариялады. Бренд жаңа батареяны Factorial Energy компаниясымен бірлесіп әзірлеген. Қатты электролиттің арқасында көлемі өзгермей, жүріс қоры шамамен 25 %-ға артады. Mercedes жаңа батареяны EQS моделіне сәтті орнатты және оның жүріс қоры 1000 шақырымға жетеді деп мәлімдеді.

Mercedes-Benz мұндай аккумулятордың сериялық көлікте қашан пайда болатынын нақтыламады. Дегенмен, брендтің жаңа даму стратегиясына сәйкес, бұл жоба баяу қарқынмен жүзеге асуы мүмкін. Алдағы екі жылда Mercedes-Benz өнімдерінің үштен бірі ғана электромобиль болады.