Xiaomi SU7 Ultra суперседанының бағасы 36,5 миллион теңгеге түсті

Бренд Қытайда электрлі суперседанның саудасын бастады. Алдын ала тапсырыс қабылдау барысында бастапқы бағасы 814 900 юань (шамамен 56 млн теңге) болған еді, бірақ қазір бағасы 529 900 юаньға (36.5 млн теңге) түсті. Xiaomi клиенттеріне жалпы қуаты 1548 ат күшін құрайтын үш моторлы көлікті сәуірде жеткізе бастайды.

Xiaomi SU7 Ultra моделінің сипаттамалары

Xiaomi SU7 Ultra — үш моторлы қуатты құрауышы бар спортты седан. Оның ерекшеліктері:

• 0-ден 100 км/сағат жылдамдыққа 2 секундтан аз уақытта жетеді;
• Максималды жылдамдығы - 350 км/сағат;
• Жүріс қоры - 630 км.

Сонымен қатар, Ultra моделі пневматикалық аспа мен аэродинамикалық пакеттермен жабдықталған, бұл көліктің клиренсін өзгертуге мүмкіндік береді.

Тежегіш жүйесі және дөңгелектер

Жаңа модельдің спорттық сипаттамаларына назар аударатын болсақ:

• 21 дюймдік дөңгелектер;
• 430 мм тежеуіш дискілері бар 6 поршенді Akebono суппорттары;
• 100 км/сағ жылдамдықта тоқтау үшін 30 метр қажет.

Интерьер мен технологиялар

Седанның салоны туралы:

• Көміртекті пластик және алькантара материалымен қапталған;
• Алдыңғы орындықтарда 10 нүктелі массаж функциясы;
• Базалық жинаққа 25 динамик пен үш лида кіреді.

Рекорд және сатылым жоспарлары

Xiaomi SU7 Ultra Шанхайдағы автодромда рекорд орнатып, төрт есе қымбат Porsche Taycan Turbo GT-ді басып озды. Прототип «Нюрбургринг» трассасында ең жылдам төрт есікті көлік атанды.

Компания биыл 10 мың SU7 Ultra сатпақ болған, бірақ машина саудаға шыққаннан кейін бұл көрсеткішке екі сағатта жетті. Xiaomi жылдық өндіріс көлемін 300 мың автомобильге дейін жеткізуді көздеп отыр, оған биыл жазда жарық көретін YU7 кроссовері көмектесуге тиіс.