Жол ережелеріндегі өзгерістер: айыппұлдар мен жазалар

Депутаттар Әкімшілік кодекске енгізілген өзгерістерді былтыр желтоқсанда мақұлдап, олар бүгін, 13 наурызда күшіне енді.

Жүргізушілер үшін не өзгерді?

• 593-бапқа қосылған 1-2-бөлімде:

  «Жолаушыны көлік құралы кабинасының (салоны) сыртында тасымалдау, жолаушының машинаның терезесінен не люгінен шығып тұруына және жүріп келе жатқанда есікті ашуына жол берілуі 10 АЕК айыппұлмен санкцияланады».

• 615-баптың 5-бөлімі жаңа:

  «Қозғалып келе жатқан көлік құралы кабинасының (салоны) сыртында отырған жолаушы 10 АЕК айыппұл төлейді».

• 596-баптың 3-1-тармағында мүгедек жүргізуші қарсы бағытқа шыққандығы үшін 30 АЕК айыппұл көрсетілген.
• Жаңа 4-1-тармақ бойынша, қарсы жолаққа шыққан жағдайда, 9 ай көлік жүргізуге тыйым салынады.

Кейбір маңызды өзгерістер

Жедел жәрдем және арнайы қызметтер көлігіне жол бермегендерге 598-бап бойынша:

• 7 емес, 20 АЕК айыппұл салынады.
• Егер бұл әрекет бір жылда екінші рет қайталанса, айыппұл 15 емес, 40 АЕК болады.

Теміржол өткелдері бойынша жаңашылдықтар

607-баптың 1-бөліміне түзету енгізілді:

«Теміржол өткелінен өту ережесін бұзған жағдайда, 20 АЕК мөлшерінде айыппұл жазылады».

Бұған дейін айыппұл 10 АЕК болатын.

Автокөлік тұрақтары мәселесі

Автотұрақ ақысын төлемегендер үшін 3 емес, 1 АЕК айыппұл салынады. Бір жыл ішінде екінші рет қайтадан солай істесе, мөлшері 5 емес, 2 АЕК болады (597-бап).

Жол апаттары мен айыппұлдар

610-бапта енгізілген өзгеріспен, ешкім зардап шекпеген жол апаты үшін жүргізуші тек 20 АЕК айыппұл төлейді. Егер жүргізуші бір жылда тағы да апатқа түссе, 9 ай көлік жүргізуден айырылады.

Жаңа жаза түрлері

1 қыркүйектен бастап елде жаңа жаза түрі – қоғамдық жұмыстарға тарту енгізіледі. Бұл шара жүргізушілер мен жаяу жүргіншілерге де қолданылуы мүмкін.