Қазақстанда қант зауыттарының қуаттылығы артады

Өткен жылы қант қызылшасының өнімділігі екі есе артып, рекордтық 1268 мың тонна көрсеткішке жетті. Дегенмен, отандық қант өңдеу зауыттары алынған өнімді толықтай өңдей алмады - деп хабарлайды eldala.kz тілшісі.

Осыған байланысты 2022-2026 жылдарға арналған қант саласын дамыту бойынша кешенді жоспар аясында өңдеу қуаттарын ұлғайту жұмыстары жүргізілуде. Премьер-министр Олжас Бектенов депутаттық сауалға жауап бере отырып, бірқатар жоспарларды жариялады.

Негізгі жоспарлар мен жаңалықтар

• Меркен қант зауытында тәулігіне 3-тен 4 мың тоннаға дейін қуаттылықты ұлғайту жоспарлануда.
• Тараз зауытында жаңа технологиялық желіні орнату басталады.

«Тараз қант зауытының модернизациясына 2025-2026 жылдарға арналған инвестициялық бағдарлама әзірленген. Жөндеу жұмыстарын «Аграрлық кредиттік корпорация» қолдауымен аяқтадық. Өндірісті жаңарту заманауи технологиялық шешімдерді енгізуді де қарастырады, бұл өнімділікті арттырып, шығындарды азайтады»

2026 жылдың соңына дейін Коксу қант зауытының қуаты тәулігіне 2,2 мың тоннадан 5 мың тоннаға дейін арттырылады делінуде.

Жаңа жобалар мен инвестициялар

Сонымен қатар, ішкі нарық қажеттіліктерін қамтамасыз ету мақсатында Шу қаласында «Qazsugar CO» ЖШС әлеуетті инвесторы жоғары технологиялық қант зауытын салауын жоспарлап отыр. Зауыттың жылдық қуаты 150 мың тонна қантты құрайды.

«Біз мемлекеттік сараптаманың екінші кезеңі үшін барлық құжаттарды жинақтауды жоспарлап отырмыз»

Алматы облысында Al Khaleej Sugar компаниясымен инвестициялық жобаны жүзеге асыру мәселесі де қарастырылып жатыр. Жоспарланып отырған инвестициялар көлемі 493 млн долларға дейін жетуі ықтимал.

Ауыл шаруашылығы министрлігі мал шаруашылығына арналған жобалар бойынша инвестициялар тарту мүмкіндіктерін де қарастырады, сонымен қатар ауыл шаруашылығы кооперативтерімен бірге жұмыс істейді.

«Жеке кәсіпорындардың инвестициялық белсенділігін ынталандыру мақсатында биылдың басынан бастап инвесторлардың шығындарын өтейтін норматив 25%-дан 40%-ға дейін ұлғайтылды, бұл секторға қосымша қаржы тартуға ықпал етеді»