Алматыда 45 мың камера бір жүйеге біріктірілді

Алматыда видеомониторингтің бірыңғай жүйесіне 45 мың камера қосылды. Бұл туралы Алматы қаласының цифрландыру басқармасы мен әкімдіктің жобалық офисі хабарлады - деп хабарлайды inalmaty.kz тілшісі.

Жобаның мақсаты

Жобаның басты мақсаты - қалалық бейнемониторинг камераларын бір платформада біріктіріп, нақты уақыт режимінде бейнеаналитика қалыптастыру және алынған бейне ағындарын әр түрлі міндеттер үшін көп рет қолдану болып табылады.

• Бейнемониторинг жүйесі, дабыл, өрт, тасталған заттар, табиғи және техногендік сипаттағы төтенше жағдайларды анықтау сияқты көрсеткіштер негізінде бейнеаналитика құрады.
• Сондай-ақ, киім, жыныс және тұлғаларды тану функциялары бар.

Қосымша камералар мен кешендер

Сонымен қатар, 603 мемлекеттік және 906 жеке объектілерден бейне ағындарын бірыңғай бейнемониторинг жүйесіне шығару жұмыстары жүргізілуде. Жүйеге жалпы 45 мың жаңа камера қосылды.

2024 жылдың екінші тоқсанында «Сергек» интеллектуалды қауіпсіздік жүйесінің 300 аппараттық-бағдарламалық кешені қосымша орнатылады. Қазіргі уақытта Алматыда 1641 «Сергек» кешені жұмыс істеп, 9034 камерадан тұрады.