Қазақстанда бидай бағасы бұрын-соңды болмаған деңгейде өсуде

2025 жылдың 3 қаңтарында жұма күні АҚШ биржасында наурыз айындағы бидай фьючерстерінің бағасы 3% -ға төмендеді. Бағаның жабылуы $5,2925 бушель ($194 тонна) құрады - деп хабарлайды eldala.kz тілшісі.

Бағаның төмендеуіне бірнеше себептер ықпал етті. Біріншіден, өнім өндіруші елдердегі қолайлы ауа-райы жағдайлары туралы мәліметтер бар, екіншіден, импорттаушы елдерде астықтың жеткілікті мөлшері бары туралы сигналдар келіп түсті.

• Египет елінде бидайдың запастары 2025 жылдың маусымына дейін жеткілікті екені хабарланды.
• Қытай тарихында алғаш рет барлық астық түрлерінің жинағы 700 миллион тоннан асып, 706,5 миллион тоннаға жетті.
• Бұл Қытай мемлекеттік компанияларына 2024 жыл бойынша ішкі нарықта 420 миллион тонна астық сатып алуға мүмкіндік берді.

Қазақстанның солтүстігінде 23% клейковинасы бар 3 сортты бидайдың бағасы элеватордан 65 мың теңге/тонна (ҚҚС-пен) сатылуда. Ал hi-pro бидай (клейковинасы +30%) бағасы едәуір жоғары, 125 мың теңге/тонна (ҚҚС-пен). Күздің соңында осындай бидайға 110 мың теңге ұсынылған болатын. Әрине, бағалардың өсуіне желтоқсан айындағы теңгенің 15%-ға девальвациясы әсер етті.

Фураж бағаларына келетін болсақ, 5 сортты бидайдың бағасы 60 мың теңге/тонна, 2 сортты арпаның бағасы 50 мың теңге/тонна (ҚҚС-пен) жетті.

Қазақстандық ұнның Ауғанстан нарығындағы экспорттық бағасы (DAP Сарыағаш) $230 құрайды. Ал ішкі нарықта 1 сортты ұн 130 теңге/кг, жоғары сортты ұн 160 теңге/кг-ға сатылуда.