Алматы тұрғындарын мазалаған құрылыс дауы

Алматының жеке сектор тұрғындары тыныштықтарын жоғалтып алды. Олар үйлерінің үздіксіз дірілдерден құлап кетуінің қауіпін сезінеді - деп хабарлайды inalmaty.kz тілшісі.

Жергілікті кәсіпкердің айтуы бойынша, жақын арада жаңа тұрғын үй кешені бой көтеруі жоспарланған. Алайда, құрылысқа рұқсат берілмегенін қала құрылысын бақылау басқармасы мәлімдеді.

Алматының тыныш аудандарында үйлер күн сайын дірілдеп, тұрғындар наразылық білдіруде. Азаматтар көршілес учаскеде жеке кәсіпкер құрылыс жұмыстарын жүргізіп жатқанын айтады. Биік қоршаудың артында құрылыс техникасы тәуліктің кез келген уақытында жұмыс істеп жатыр. Тұрғындардың айтуынша, жақын арада бұл жерде тұрғын үй кешені пайда болуы мүмкін.

"Үйде тұру мүмкін емес. Таңертеңнен кешке дейін үйдің бәрі дірілдеп тұр. Ұйықтау мүмкін болмай қалды. Көліктер кептеліп тұрады, шу көп. Таңертең терезені аша алмаймыз," - дейді Тамара Галаева.

Құрылыс жұмыстары толығымен қоршалған аймақта жүргізілуде. Тұрғындар компанияның нормаларды сақтамай жұмыстарға кіріскеніне наразылық білдіруде. Олар болашақ тұрғын үй кешенінің тым жақын орналасуынан алаңдауда, өйткені, қоршаумен үйлер арасындағы қашықтық бірнеше метр ғана.

Тұрғындар 12 қабатты ғимараттың пайда болуымен өмір сүру сапасының төмендейтіндігінен қорқады. Олар құрылыс жұмыстары туралы хабардар етілмегендеріне наразы және алдағы уақытта су мен электр қуысынан да айырылу қаупі бар екендігіне алаңдауда.

"Неліктен жеке сектордың ортасында осындай үлкен тұрғын үй кешенін салуға рұқсат берілген?" - деп сұрады Зайтунам Аюпова.

Құрылыс компаниясының өкілі телефон арқылы тек ескі ғимаратты бұзу жұмыстарын жүргізіп жатқанын, бірақ кейін тұрғын үй кешенін салуды жоспарлап отырғанын айтты. Дегенмен, қала құрылысын бақылау басқармасы жеке кәсіпкердің рұқсат құжаттары жоқ екенін мәлімдеді.

"Көптеген тұрғындардың өтініші бойынша басқарма жоспардан тыс тексеріс жүргізуде. Тексерудің нәтижесінде әкімшілік шаралар қабылданатын болады," - деді Алматы қаласының құрылыс бақылау басқармасының басты маманы Дархан Тайсаринов.

Шенеуніктер құрылыс жұмыстарын тоқтатуға уәде берді, бірақ тек бұзушылықтар жойылғанша. Ал жергілікті тұрғындар үйлерінің жанында ешқандай биік ғимарат болмауын қалайды.