КазАгроФинанс 200 млрд теңгеге жеңілдетілген лизинг бағдарламасын бастады

КазАгроФинанс 24 ақпанда 5% мөлшерлемемен «Жеңілдетілген лизинг» бағдарламасына өтінім қабылдауды бастады. Жалпы қаржыландыру сомасы 200 млрд теңгені құрайды - деп хабарлайды eldala.kz тілшісі.

Бағдарламаның шарттары

«Жеңілдетілген лизинг» бағдарламасы келесі шарттармен қаржыландырылады:

• Мөлшерлеме – 5% жылдық;
• Мерзім – 7 жылға дейін;
• Бірінші лизингтік төлем – 10%-дан кем емес.

Жобаның мақсаты

«Бұл бастама қазақстандық ауыл шаруашылығы өндірушілерін қолдауға және еліміздің ауыл шаруашылығын дамытуға бағытталған. Қолжетімді қаржыландыру – ауыл шаруашылығы секторының өнімділігі мен бәсекеге қабілеттілігін арттыру үшін маңызды фактор. Біздің лизинг бағдарламамыз ауыл шаруашылығы өндірушілеріне техникаларын тиімді жаңартуға мүмкіндік береді, бұл, өз кезегінде, жалпы өндіріс деңгейіне оң әсерін тигізеді», — деді «КазАгроФинанс» басқармасының төрағасы Айдар Прашев.

Техникалардың тізімі

«Жеңілдетілген лизинг» бағдарламасы Қазақстанда өндірілген кең спектрлі ауыл шаруашылығы техникаларын қамтиды.

Өтінім беру

Өтінімдер «КазАгроФинанс» Telegram-боты арқылы қабылданады. Өтінім бергеннен кейін, бес жұмыс күні ішінде «КазАгроФинанс» филиалына толық құжаттар пакетінің берілуі қажет.