Бенавидес Бивол мен Бетербиев арасындағы реваншқа пікір білдірді

Американдық екінші орташа салмақтағы боксшы Давид Бенавидес (29-0, 24 КО) ресейліктер Дмитрий Бивол (23-1, 12 КО) мен Артур Бетербиев (21-0, 20 КО) арасындағы реваншқа болжам жасады, деп хабарлайды vesti.kz.

Олардың жекпе-жегі 22 ақпанда Эр-Риядта (Сауд Арабиясы) өтеді.

“Меніңше, Дмитрий жеңді. Иә, бұл бәсекеге қабілетті айқасты. Жеңісті кез келген бір тарапқа беру мүмкіндігі болды. Бірақ мен Бивол көп раундтарды ұтқандай сезімде болдым. Ол айқастың көп бөлігін бақылап, комбинацияларды жақсы орындады. Меніңше, реваншта жеңеді. Олар екеуі де бірінші дәрежелі боксшылар. Алайда, олардың қандай түзетулер енгізе алатындарын көреміз. Реванш бірінші матчты еске түсіре ме, ол жағын білмеймін. Бірақ, егер солай болса, меніңше, осы жолы жеңіс Биволға беріледі”, - деп мәлімдеді Бенавидес Fight Hub TV арнасына берген сұхбатында.

Айта кетейік, бірінші жекпе-жекте Бетербиев төрешілердің шешімімен жеңіп, дивизионның абсолютті чемпионы атанды. Өз кезегінде, Бенавидес Саул Канело Альвареспен бірге ең көп жасалмау мәртебесіне ие мексикалық боксшы ретінде қарастырылады.