Камала Харрисдің үйі орман өртінен эвакуация аймағына кірді

АҚШ вице-президенті Камала Харрисдің Лос-Анджелестегі үйі орман өртінен тұрғындарды эвакуациялау аймағына кірді. Бұл туралы NBC News телеарнасы хабарлады.

Харрис қазіргі уақытта Вашингтонда орналасқаны нақтылануда.

ТАСС-тың мәліметі бойынша, 350 шаршы метр көлеміндегі үй 2012 жылы Харрисдің күйеуі, адвокат Дуглас Эмхофф тарапынан сатып алынған.

Көршілес тұратындар қатарында актриса Гвинет Пэлтроу мен баскетболшы Леброн Джеймс бар. АҚШ вице-президентінің төрт жатын бөлмесі және бассейні бар үйінің 2024 жылға бағасы бес миллион долларды құрады.

Орман өртінің таралуы

Пасифик Палисейдс ауданындағы қуатты өрт 7 қаңтар күні таңертең басталды. Өрт күшті жел мен құрғақшылықтың әсерінен жылдам таралды. Лос-Анджелесте төтенше жағдай жарияланды, жолдарда кептелістер қалыптасты.