Франция Африкада әскери контингентін қысқартады

Франция Африка елдеріндегі әскери контингентін қысқартатын болды. Бұл туралы Франция президентінің Африка жөніндегі өкілі Жан-Мари Бокель журнал Jeune Afrique-ке берген сұхбатында хабарлады.

«Жоспарымыз - жергілікті жерде әскери қызметкерлердің санын азайту», - деді ол, француз әскери қызметкерлерінің Габон, Сенегал, Кот-д'Ивуар және Чадтағы нақты саны «тиісті мемлекет басшыларымен келісім бойынша анықталуы тиіс» екенін атап өтті.

Бұған дейін француз президенті Эммануэль Макрон африкалық елдер Францияның Сахелде терроризммен күресуге көрсеткен көмегі үшін алғыс айтуды ұмытқаны жөнінде мәлімдеген болатын.