Еуропа Трамптың Газа секторы бойынша жоспарына балама әзірлеуде

Еуропа елдері америкалық жетекші Дональд Трамптың Газа секторы бойынша жоспарларына балама әзірлеуді жедел қолға алуда. Бұл туралы The Financial Times (FT) өзінің дереккөздеріне сілтеме жасап хабарлайды.

«Еуропа мемлекеттері араб одақтастарымен бірге Газаға қатысты Трампқа ұсыныс ретінде ұсынуға болатын жоспарды жедел әзірлеу үстінде», — деп жазады газет.

Аты аталмаған еуропалық шенеуніктің сөздері бойынша, Германия, Франция, Ұлыбритания және Италияның сыртқы істер министрлері Мюнхен қауіпсіздік конференциясында «негізгі араб мемлекеттерімен» дағдарыс мәселесі бойынша келіссөздер өткізеді.

Сондай-ақ, ол палестиналықтарға және арабтарға Газаға өздері басшылық ететін шешім табудың қажет екенін, «ал оны АҚШ немесе Израиль бақыламауы қажет» екенін атап өтті.

5 ақпанда Трамп АҚШ-тың Газа секторын өз бақылауына алып, өңірді тазартуға дайын екендігін мәлімдеді. Америкалық жетекші сондай-ақ Газа тұрғындарын Египет пен Иорданияға көшуді ұсынды. Ол қазіргі уақытта бұл елдердің билігі палестиналықтарды қабылдаудан бас тартатынын, бірақ соңында олар келісетініне сенім білдірді.