Қазақстандағы әйелдер арасындағы жұмыссыздық көрсеткіші неге жоғары?

Қазақстандағы жұмыссыздық деңгейі едәуір тұрақты болып отыр: екінші тоқсанда 451 мың адам жұмыссыз ретінде тіркелді. Бұл көрсеткіш өткен жылмен салыстырғанда 0,4% азайды - деп хабарлайды ranking.kz.

Жұмыссыз әйелдер: статистика мен үрдістер

Қазақстандағы жұмыссыздардың жартысынан көбі әйелдер. Биылғы екінші тоқсанда олардың үлесі 53,8% құрады, бұл өткен жылмен салыстырғанда (54,6%) біршама төмен, бірақ 2022 жылдың екінші тоқсанындағы 52,9% көрсеткішінен асып тұр.

Қалалық және ауылдық әйелдер арасындағы жұмыссыздық

Әйелдер арасындағы жұмыссыздық деңгейі 1,8% төмендеп, 242,6 мыңды құрады. Оның 156,3 мыңы қала тұрғындары, ал 88,3 мыңы ауылдық жерлерде тұрады.

Ерлермен салыстырғанда әйелдер арасында жұмыссыздық деңгейі неге жоғары?

Әйелдер арасындағы жұмыссыздық деңгейі 5,2% болса, ерлерде бұл көрсеткіш 4,2% болды. Өткен жылы әйелдер арасындағы жұмыссыздық 5,3% құраған, ең жоғары деңгей 2021 жылдың екінші тоқсанында тіркелді — 5,6%.

Аймақтар бойынша жұмыссыздық жағдайы

Аймақтық мәліметтер бойынша, әйелдер арасындағы ең жоғары жұмыссыздық деңгейі Жетісу облысында 7,1% (9,8 мың жұмыссыз әйел) байқалды. Ал Маңғыстау облысында бұл көрсеткіш 6,9% (12,1 мың адам) болды.

Сонымен қатар, Алматы мен Батыс Қазақстан облыстарында 5,8% деңгейінде, тиісінше 34,5 мың және 10 мың жұмыссыз әйел тіркелген.

Ең төменгі жұмыссыздық деңгейі Алматы облысында – 4,4% (15,7 мың), астанада – 4,5% (16,4 мың) және Шығыс Қазақстан облысында – 4,5% (8,3 мың) болды.