Қазақстанда балгерлерге қанша ақша жұмсалады?

2024 жылы Қазақстанда экстрасенстер, балгерлер, астрологтар мен нумерологтардың қызметіне ресми түрде дерлік 3 миллиард теңге жұмсалды. Бұл көрсеткіш бір жыл ішінде 75 есеге көбейіп, алдыңғы есептермен салыстырғанда рекордтық өсуге жетті, деп хабарлайды ranking.kz

Ұлттық статистика бюросының мәліметтері магиялық және болжау тәжірибесіне сұраныстың бұрын-соңды болмаған деңгейге жеткенін көрсетеді. Егер 2023 жылы ресми есептерде бұл саладағы қызметтердің көлемі 40 миллион теңгеге де жетпесе, 2024 жылы олардың мөлшері 2,9 миллиард теңгеге дейін өсті. Бұл соңғы жылдардағы ең жоғарғы көрсеткіш.

Қай қызметтер айналым бойынша көш бастап тұр

Статистикада магиялық қызметтер екі ірі санатқа бөлінеді:

• экстрасенстердің қызметі;
• астрологтар, спириттер және балгерлердің қызметі.

Жалпы айналымға ең үлкен үлесті екінші топ қосты: олардың қызметі статистикада тіркелген соманың 92 пайызынан астамын құрап, 2,7 миллиард теңгеге жеткен. Ал экстрасенстердің үлесіне небәрі 225,7 миллион теңге тиесілі.

Алғаш рет ресми есептерде қаржы түсімдерінің құрылымы анық бөлініп көрсетілді. Жартысына жуығы (1,5 миллиард теңге) – қазақстандықтардың өз қаражаты, ал қалғаны (1,4 миллиард теңге) ұйымдар мен түрлі өзге көздерден түскен, бұл бұған дейін еш жерде атап өтілмеген дерек.

Күрт өсімнің себептері неде?

• Заңнамалық өзгерістер. Офисал саланың өсуіне негізгі қозғаушы күш болған жаңа талаптар – өзін-өзі жұмыспен қамтыған азаматтар жылдық табысы 1 миллион теңгеден асса, жеке кәсіпкер ретінде тіркелуі міндеттелді.
• Халық арасында танымалдығының артуы. Google Trends деректері бойынша қазақстандықтар арасында астрология, балгерлік және нумерология тақырыптарына сұраныс күрт өсті: наталдық карта, тағдыр матрицасын талдау және соған ұқсас қызметтерге жиі қызығушылық танытқан.

Көрсетілген қызметтер құрылымында қаржының жартысына жуығы тікелей халықтан түскен, ал қалған бөлігі – ұйымдар мен басқа да түрлі көздерден келді.

Салада әлі де физикалық тұлғалар – қарапайым азаматтар басым, олар заңнамалық өзгерістерден кейін ғана кәсіпкерлікпен ресми тіркеліп жатыр.