Қазақстанда шетелдік IT мамандарына арналған жаңа мүмкіндік

Қазақстан шетелдік ІТ мамандарына жаңа мүмкіндіктер ашатын «Digital Nomad Residency» пилоттық жобасын ұсынды. Бағдарламаның негізгі мақсаты — әлемдік ІТ таланттарын елге жұмыс істеуге және тұрақты тұруға тарту.

«Digital Nomad Residency» бағдарламасы ІТ саласында жұмыс істейтін шетелдік мамандарды тартуға бағытталған, олардың Қазақстандағы цифрлық экономикасына үлес қосу мүмкіндігін қамтамасыз етеді.

Бағдарламаға қатысу шарттары

• Жеке сәйкестендіру нөмірі (ЖСН) және электронды цифрлық қолтаңбасы (ЭЦҚ) болуы тиіс;
• Astana Hub порталына өтініш беріп, сұранысқа ие мамандықтар тізіміне сәйкестік алу керек;
• Кандидат шетелдік паспорт, түйіндеме, портфолио, мотивациялық хат, сотталмағаны туралы куәлік және 3,5*4,5 см фотосуретті ұсынуы тиіс.

Құжаттарды рәсімдеу тәртібі

Кандидат қажетті құжаттарды жинағаннан кейін, Қазақстанның Цифрлық даму, инновациялар және аэроғарыш өнеркәсібі министрлігінен IT маманы мәртебесін растайтын өтінішін алады. Одан әрі, тұрақты тұруға рұқсат алу үшін eGov.kz порталына өтініш берілуі қажет.

Электронды қызметті алу үшін қажетті қадамдар:

1. kz порталына тіркелу;
2. «Азаматтарға» → «Азаматтық, көші-қон және иммиграция» → «Шетелдіктерге: ҚР-ға кіру және азаматтық» бөліміне өту;
3. «Шетелдік IT мамандарына Қазақстан Республикасында тұрақты тұруға рұқсат беру» қызметін таңдау;
4. Көші-қон полициясының басқармасын таңдау;
5. Шетел паспортының көшірмесін, заңдастырылған құжаттарды қосу;
6. Тиісті жолақтарды толтырып, қызметті ЭЦҚ арқылы қол қою.

Өтінімді қарау мерзімі — 45 күнтізбелік күн. Содан кейін, мамандар Қазақстанға келіп, Халыққа қызмет көрсету орталығында рәсімдеуді аяқтай алады.

Қосымша ақпарат

Жоба ҚР ЦДИАӨМ, ҚР Сыртқы істер министрлігі, әрі басқа ұйымдардың бірлескен жұмысының нәтижесінде жүзеге асырылды. Қосымша ақпаратты Astana Hub ресми веб-сайтынан табуға болады.

«Біз әлемдік ІТ таланттарын Қазақстанға тарту арқылы цифрлық экономиканың дамуына үлес қосамыз.»