Алматыда жаңа әкімнің орынбасары тағайындалды

Алматы қаласының әкімдігі Дархан Сатыбалдының бұйрығымен Президент әкімшілігімен келісім бойынша Алматы қаласына әкімнің жаңа орынбасары болып Олжас Смагулов тағайындалды - деп хабарлайды inalmaty.kz тілшісі.

Олжас Мухтарович Алматыда дүниеге келген. Ол Америкалық межконтиненталдық университетті, Калифорния мемлекеттік политехникалық университетін, Батыс Қазақстан аграрлық-техникалық университетін, Лондон экономика және саясат мектебін тәмамдаған.

Ол экономика, мемлекеттік саясат және басқару магистрі дәрежесіне ие. Еңбек жолын 2013 жылы Атырау облысы әкімінің аппаратының ұйымдастыру-инспекторлық және ақпараттық-талдамалық бөлімінің бастығы лауазымынан бастады.

Әр жылдары Атырау облысының Кәсіпкерлік және индустриалды-инновациялық даму басқармасында басшылық қызмет атқарды. Сонымен қатар, Премьер-министрдің кеңсесінде әлеуметтік-экономикалық бөлімнің бас сарапшысы болды.

2015 жылдан 2019 жылға дейін Ақтөбе облысында бірнеше басшылық лауазымдарда қызмет атқарды. 2019-2021 жылдары Премьер-министрдің канцеляриясының орынбасары, Премьер-министрдің кеңесшісі болып жұмыс істеді.

2021 жылдың қарашасынан бастап осы тағайындалғанға дейін Президент әкімшілігі әлеуметтік-экономикалық саясат бөлімінің орынбасары болып қызмет атқарды.