Жол ережесін бұзған жүргізушілерге амнистия ұсынысы қаралуда

«ҚР Конституциясының 30 жылдығына орай амнистия жасау туралы» заң жобасын депутаттар қарап жатыр. Құжатқа сәйкес, жол ережесін бұзған кей жүргізушінің жазасы жеңілдеп, кейбір жазалардың күші жойылуы мүмкін. Алайда, амнистияның әсері ащы судың кесірінен куәлігінен айырылғандарға арналмаған. Бұл жәйт әлеуметтік желіде қызу талқылануда, көпшілік белсенділер мас болған жағдайда куәлігінен айрылған жүргізушілерді «түсініп, кешірім беруге» шақыруда. Олар, аталмыш азаматтардың отбасын асырау қажеттігін атап, «олар енді бұлай істемейді» деп сендіреді.

Алайда, ішкі істер министрі Ержан Сәденов олардың уәждеріне қарсы пікір білдірді. Министрдің айтуынша, мас күйінде көлік жүргізгендерге ешқашан кешірім болмайды.

Ержан Сәденовтың пікірі

«Биыл 5 мыңға жуық азамат мас күйінде көлік жүргізгені үшін ұсталды. Жаза күшейгеннен бері жауапсыз жүргізушілердің саны азайып келеді, бірақ олар әлі де бар. Мұндай әрекеттерді қоғамымыз түбегейлі айыптауы тиіс. Жүргізуші полиция ұстайды деп қорыққандықтан емес, өз құқықтарын түсініп, ішімдік ішкеннен кейін рөлге отырмауы керек. Бұл «норма» жазаны күшейтумен ғана емес, қоғамның көзқарасына байланысты қалыптасады. Мас күйде көлік жүргізуге жеңілдік болмауы шарт. Олар қылмыскер атануы ықтимал тұлғалар. Биыл олар 18 адамның қаза табуына, 300-ден аса кісінің жарақат алуына себеп болды. Әрбір қайғылы оқиға – көз жұмған адамның және оның жақындарының тағдыры. Аталған жағдайда қандай жеңілдік туралы айтуға болады? Жазаны жеңілдету – халықты мас күйде көлік жүргізуге ынталандыру ретінде қабылдануы мүмкін!» деді министр.

Статистикалық мәліметтер

Соңғы жылдары ҚР ІІМ мас күйінде көлік жүргізушілерінің санының айтарлықтай төмендегенін хабарлады. 2020 жылы жаңа ереже қабылданғаннан кейін:

• Мас күйінде көлік тізгіндейтіндер саны 14.8%-ға азайды;
• 2019 жылы 28 801-ден 2024 жылы 24 786-ға төмендеді;
• Жол ережесін бұзғандар арасында мас адамдар 1.5 есе (1.01%-дан 0.65%-ға) азайған;
• Куәлігінен айырылған азаматтардың дәл сондай күйде қайта көлік басқару фактісі екі есе (2510-нан 1276-ға) кеміген.