PlayStation Store енді Қазақстан карталарын қабылдайды

Sony күтпеген жерден ресми сандық дүкені жоқ елдердегі пайдаланушыларға PlayStation Store-да сатып алуларды төлеу үдерісін оңайлатты. Қазақстандық геймерлер жергілікті банктердің карталарымен ойындар мен жазылымдарды сәтті төлей алғандарын хабарлауда.

Қазіргі уақытта Қазақстан карталарымен төлемдер негізінен шетелдік дүкендердің — әсіресе, бағалары төменділігімен танымал түрік және поляк PS Store-да қабылдануда. Бұрын бұл карталармен төлемдер жиі қабылданбай, пайдаланушылар айналып өтетін жолдар іздеуге мәжбүр болатын.

Қазақстанмен қатар Беларусия, Армения, Қырғызстан және Грузия банктерінің карталары да қабылданғаны белгілі болып отыр. Бұл жаңалық Sony компаниясынан ресми мәлімдеме болмағандықтан, көпшілік үшін тосын оқиға болды.

Ойыншылар қауымдастығында бұл оқиға жүйелік қате болуы мүмкін деген болжамдар бар. Соңғы жылдары компания шетелдік дүкендерге қолжетімділікті қатаң реттеп отыр, ал төлем саясатына қатысты кез келген өзгеріс әдетте ресми хабарлама арқылы жарияланатын.

«Sony ресми түсініктеме бергенге дейін негізгі аккаунтыңызбен сатып алулар жасаудан бас тартқаныңыз жөн. Егер бұл қате болса, компания шектеу шараларын қолдануы мүмкін»,

Жаңалық жарияланған сәтте Sony компаниясының ресми түсіндірмесі жоқ. Геймерлерге жаңа мүмкіндікті пайдаланбас бұрын ықтимал тәуекелдерді, оның ішінде аккаунтқа шектеу қою қауіпін де ескеруге кеңес беріледі.

Бұл Қазақстан үшін неге маңызды?

Ойыншылар бұрын жергілікті сандық дүкеннің болмауына байланысты PS Store-да контентті тікелей төлеудің мүмкін еместігімен жиі кездесетін. Мұндай төлем жасау мүмкіндігі — уақытша болса да — ойындар мен жазылымдарға қолжетімділікті жеңілдетеді.

Алайда сарапшылар Sony-дің ресми растауын күтпейінше, бұл мүмкіндікті белсенді пайдалануға асықпауға кеңес береді.