Түркиядағы ең танымал жағажайлардың бірінде лас су жасырын ағызылғаны анықталды

Түркиядағы ең танымал жағажайлардың бірі — Аланьядағы Клеопатрада — жасырын лас су ағызу анықталды. Өлшеу нәтижелері бойынша, ластану деңгейі рұқсат етілген шектен мың есеге жуық жоғары.

Фекалий жатық құбыры Клеопатра жағажайынан көршілес Дамлаташқа, сол аттас үңгір маңына дейін созылған. Лас су жеті-сегіз жерде ағып жатыр. Анталияның су және кәріз жүйесін басқаратын жергілікті әкімдік тараған фотосуреттерді «жалған» деп мәлімдеуде.

Клеопатра жағажайы Түркиядағы ең үздік үш жағажайдың қатарына кіреді және халықаралық «Көгілдір ту» сапа белгісіне ие. Бұл демалыс орны қазақстандық туристер арасында айрықша танымал. Жақын маңда қазақстандық демалушылар жиі баратын Miray Кleopatra, Lonicera city, Alaiye Кleopatra, Kleopatra Ramira, Aslan city, Kandelor, Tac premier, Xperia Saray, Kahya қонақ үйлері орналасқан.

Туристердің шағымы

Лас суда шомылғаннан кейін ата-аналар балаларда тері бөртпесі пайда болғанын хабарлайды. Туристер сонымен бірге судың иісінің жағымсыз болғанын және теңіз суының сапасы өзгергенін айтады.

«Тазарту қондырғылары жаңартылмаса, көгілдір ту алған жағажайлар мәртебесінен айырылуы мүмкін»

Аланьяға қандай қауіп төніп тұр

Егер лас су ағызу фактілері расталса, Клеопатра мен Дамлаташ халықаралық танымалдылығы мен туристік тартымдылығынан айырылуы мүмкін. Көгілдір ту жоғары қауіпсіздік және экологиялық стандарттарға сай келетін жағажайларға ғана беріледі.

Эколог мамандар билікті тазарту қондырғыларын шұғыл тексеруге және туристердің денсаулығы мен өңір беделін қорғау үшін ашықтықты қамтамасыз етуге шақыруда.