Чернобыльде көк жүнді иттер байқалды

Чернобыльдің шектеулі аймағында зооволонтерлер алғаш рет көк түсті жүнге ие иттерді тіркеді. Бұл туралы Daily Mail басылымы «Чернобыль иттері» тобына сілтеме жасап хабарлады.

Активистердің айтуынша, бұрын мұндай құбылыс байқалмаған. Жарияланған кадрларда бірнеше иттер тобы көрінеді, олардың бірінде жүн түсі анық көк реңкті. Волонтерлер жануарлардың әзірге белгісіз химиялық затпен байланысқа түскенін болжайды.

Қазір мамандар иттерді ұстап, олардың жүнінің түсін анықтауға және себебін білуге талпынып жатыр. 2017 жылдан бастап «Чернобыль иттері» ұйымы аймақтағы 700-ге жуық итке қамқорлық жасап, азық пен медициналық көмек көрсетіп келеді.

«Біз мұндайды бұрын-соңды көрген емеспіз. Себебін анықтауға тырысамыз — мүмкін бұл химиялық ластанудан болар»,

Бұл иттер — 1986 жылғы адамзат тарихындағы ең ірі ядролық апат болған кезде, тұрғындар эвакуацияланғаннан кейін аймақта қалған үй иттерінің ұрпақтары.

Жылдар бойы жүргізілген бақылаулар барысында ғалымдар жергілікті иттердің жоғары радиация жағдайына бейімделгенін анықтады. 2024 жылғы зерттеуде Чернобыль иттерінің ағзасында ауыр металдар мен уытты заттарға төтеп бере алатын ерекше генетикалық өзгерістер табылды. Ғалымдар 116 жануардың қанының үлгісін алып, екі генетикалық тұрғыдан ерекшеленетін популяцияны анықтаған.

Бұл деректер жануарлардың экстремалды орта ықпалында эволюцияланып, радиациядан қорғанудың табиғи механизмін қалыптастырғанын көрсетеді. Сарапшылардың айтуынша, көк түсті жаңа иттердің пайда болуы жаңа химиялық әсермен немесе табиғи мутациялармен байланыс болуы мүмкін.

«Чернобыль иттері» туралы не белгілі

• Шектеулі аймақта адамдармен тұрақты байланыссыз өмір сүреді;
• 2017 жылдан бері зооқорғаушылардың бақылауында;
• Айрықша бейімделу қасиеттерін көрсетуде;
• Дүние жүзінің ғалымдары тарапынан үнемі зерттеледі.

Зерттеулер жалғасуда, мамандар нәтижелері жануарлар эволюциясына радиация мен ластанудың ықпалын тереңірек түсінуге көмектеседі деп үміттенеді.