Дементия қаупін арттыратын тағамдар мен қартаюды баяулатудың жолдары

Эндокринолог, медицина ғылымдарының докторы Зухра Павлова, америкалық ғалымдардың зерттеуіне сілтеме жасай отырып, дұрыс тамақтанбаудың деменция қаупін арттыруы мүмкін екенін айтты. Бұл туралы ол Telegram платформасында жариялаған жазбасында мәлімдеді.

Павлова айтып өткеніндей, нан өнімдері, фастфуд, тәттілер, жартылай фабрикаттар, сондай-ақ жоғары калориялы, холестеринге, қаныққан майларға және көмірсуларға бай қуырылған және пісірілген тағамдар организмдегі қабынуды күшейтеді. Бұл жағдайда нейродегерация процесі қарқындалып, түрлі когнитивтік бұзылуларға, соның ішінде деменцияға алып келеді.

Дәрігер, 60 жастан асқан бір жарым мың адамның тамақтану режимін зерттеген америкалық ғалымдардың деректеріне сүйеніп, қабынуды қоздыратын тағамдарды көп тұтынған адамдардың деменцияға шалдығу қаупі 84 процентке артатынын атап өтті.

«Әрине, бәрі де қалыпты мөлшерде. Салмақты әрі сапалы тамақтану өзі-ақ көптеген аурулардан, тек деменциядан ғана емес, сақтандырады», — деді эндокринолог.

Павлова сонымен қатар зерттеу барысында нейродегенеративті аурулардың пайда болуын төмендететін өнімдер де аталғанын ерекше атап өтті. Олардың қатарына:

• жасыл және қара шай
• кофе
• бұрыш
• сарымсақ

Сондай-ақ, деменциядан қорғану үшін B6, A, C, D, E, В1 және В2 витаминдері, бета-каротин, тамақ талшықтары, фолий қышқылы, магний, ниацин, мырыш, моноқаныққан және полиқаныққан майлар, омега-3, омега-6, селен, флавондар, флавонолдар, флавонондар, антосцианидиндер маңызды.

Алдын ала Павлова қартаюды баяулатудың күтпеген тәсілін атады. Оның пікірінше, адамдар басқаларға көп көмек көрсетіп, көп қарым-қатынас жасап, әлеуметтік маңыздылығын сезінетін болса, олар мұндай әрекеттерді жасағандарға қарағанда баяу қартаяды.