«Форсаж», «Джон Уик» және басқа фильмдердің көліктері аукционға қойылды

Культті фильмдерден белгілі сирек көліктер жинағы аукционда Парижде сатылымға шығарылады. Париж маңындағы француздық Movie Car Central мұражайы Голливуд пен Еуропа киноларында түсірілген 50 автокөлік пен мотоцикл топтамасын сату жөнінде шешім қабылдады. Әлемге әйгілі Bonhams алаңында онлайн-сауда 21–28 қараша күндері аралығында болады.

Мұражайдың негізін қалаушы Франк Гальега кино көліктерін көптеген жылдар бойы жинаған — оның алғашқысы әйгілі DeLorean DMC-12 болған. Уақыт өте гараж ыңғайлы музейге айналды, ал кейбір экспонаттар түрлі шараларға жалға берілді. Енді иесі жаңа жобаларға көңіл бөлмек болып, коллекцияның тағдырын «кино мен механика тарихын жалғастыра білетін адамдарға» сеніп табыстамақ.

«Форсаж» көліктері: басты лот – Пол Уокердің Mitsubishi-і

Негізгі лот — 2001 жылғы Mitsubishi Lancer Evo VII, бұл көлікті «2 Fast 2 Furious» фильмінде Пол Уокер басқарған. Оның бағасы €250 000–€500 000 аралығында бағаланады.

Сонымен қатар сатылымға ұсынылған көліктер:

• 1970 жылы шығарылған Dodge Charger, Доминик Торетто жүргізген – $173 000–288 000;
• 1972 жылғы Plymouth Barracuda, «Форсаж 7»-ден – $92 000–138 000;
• Buick Grand National, «Форсаж 4»-тен – $58 000–92 000;
• 2001 жылғы Nissan Skyline R34 GTT, «Форсаж 2»-ден – $80 000–130 000.

«Джон Уик», «Драйв» және «Болашаққа оралу» фильмдерінің көліктері

• Ford Mustang Mach 1 (1969), Киану Ривз «John Wick 2»-де басқарған – $98 000–161 000;
• Chevrolet Chevelle Malibu (1973), «Drive»-дан – $69 000–92 000;
• Футуристік Police Cruiser, «Back to the Future II»-тен – $81 000–120 000.

Француз фильмдері мен культті репликалар

Жинақта француз жобалары да бар — мысалы, Peugeot 406 V6 (1999) «Taxi 2»-ден, бағасы $69 000–92 000.

Репликалар қатарында: Batmobile (1989) және Джеймс Бонд мінген BMW 750i және Z3 көліктері бар.

Аукцион толықтай онлайн форматта өтеді. Қалаған барлық адам Францияға бармай-ақ, саудаға қатыса алады.

Гальега топтамасы — Еуропадағы ең ірі жеке киноавто жинақтарының бірі. Кино мен автокөлік жанкүйерлері үшін бұл — поп-мәдениеттің бір бөлшегіне айналған көліктерге ие болудың сирек мүмкіндігі.