УАЗ жаңа «буханкасының» эскиздері жарияланды

Ульяновскідегі автозауыт әйгілі «буханканың» ізбасары бола алатын УАЗ-450 микроавтобусының бірнеше суретін алғаш рет көрсетті. Бұл — 1990 жылдардың бірінші жартысында жасалған эскиздер. Компания суреттерді модельдің алдағы туған күніне орай жария еткен. Автомобильдің алғашқы сериялық нұсқасы 1958 жылы қаңтардың аяғында конвейерден түсті.

Дизайнер Игорь Давыдовтың көзқарасы бойынша, УАЗ-452 бір көлемді құрылымды сақтап, сырт келбеті өзгеруі керек еді. Ол машинаның экстерьерін сол кездегі әлемдік трендтерге сай өзгертуге тырысып, Toyota Hiace сияқты минивэндерден шабыт алған. Микроавтобустардың алдыңғы бөлігі, әйнек сызығы және есік жақтауымен ерекшеленеді. Эскиздердің бірінде капоты бар вэн бейнеленген. УАЗ мұндай шешімді сол кезде сынап көрді.

УАЗ-3165 «Симба» (1999) УАЗ-2365 «Симба» (2000) УАЗ-3165М (2003) УАЗ-3165М (2003) УАЗ-3165М (2005)

УАЗ 1990 жылдардың аяғында 3165 индексті «Симба» моделін әзірледі. Ол УАЗ-452-нің орнын басуға тиіс болатын. «Симба» өзгеше құрылымы мен жаңа шанағынан бөлек, «Патриоттың» жақсарған шассиі мен заманауи мотор гаммасын алды. Бренд әртүрлі мақсатта пайдалануға болатын бірнеше экзмепляр жасады. Оған дизель-электрлі күштік құрылымы бар нұсқа кірді, бірақ ол серияға шықпады. Қазір УАЗ бұл автомобильді СГР атауымен өндіріп жатыр.