Қазақстанда қазы мен шұбат үшін пойыздар ауыстырылады

Қазақстан “Тальго” жаңа вагондарын сатып алудан бас тартып, оларды заманауи Stadler құрамдарымен алмастырады. Бұл туралы Үкіметтегі брифингте Көлік министрі Нұрлан Сауранбаев мәлімдеді.

Неліктен “Тальго”-дан бас тартты

Бастапқыда “Тальго” жылдамдығы жоғары болғаны үшін таңдалған: вагондардың ерекше құрылымының арқасында Алматы мен Астана арасындағы жол уақыты 11 сағатқа дейін қысқарған еді. Алайда қазіргі теміржол инфрақұрылымының жағдайы мен жолдардың жүктемелілігі бұл артықшылықты жоққа шығарады.

“Бұл – нашар жолмен ‘Мерседеспен’ жүргендей. Әсері жоғалады,”

Іс жүзінде сапар 18-21 сағатты алады, сондықтан жоғары жылдамдықтағы құрамдардың артықшылығы мазмұнын жоғалтты.

Казақы дәстүр мен бизнес-класс

Министр теміржол қатынасының Қазақстандағы ерекшелігі Еуропамен салыстырғанда өзгеше екенін атап өтті:

“Бізде өз дәстүріміз бар: әжелеріміз ет, қазы, шұбат – ұшаққа ала алмайтын дәмдерін пойызбен алып жүреді. Пойыз – көпшілік үшін әлеуметтік маңызы бар көлік, балалар мен немерелерге сәлем-сауқат апарудың жолы. Сондықтан жұрт кең, сандығы бар вагондар сұрайды. ‘Тальгода’ бұл жоқ, олар негізінен бизнес-деңгейге арналған.”

Stadler келісімен не өзгереді

Қазақстан 557 Stadler вагонын сатып алады, олардың алғашқысы жыл соңына дейін жеткізіледі деп жоспарланып отыр. Жаңа вагондар кеңірек болып, халықаралық стандартқа сай купелермен жабдықталады.

“Халыққа ұнайды деп ойлаймын. Астана мен Алматы арасындағы жол уақыты бұрынғыша – шамамен 18 сағат болады,”

Ескі вагондардың тағдыры

“ҚТЖ”-да “Тальго” вагондарының қызмет ету мерзімі шамамен 40 жыл екенін еске салды. Бүгінде компания паркі құрамында 700 қолданылып жүрген вагон бар, олардың ең көнесіне не бары 19 жыл болған. Бұл вагондар пайдалану мерзімі аяқталғанша қызметін жалғастырады.