Алматыда электр энергиясы шамамен 20%-ға қымбаттауы мүмкін

Қазан айы жақындаған сайын Алматыда электр энергиясының қымбаттауы мүмкін екендігі қызу талқылануда. Тариф мәселесі қоғам арасында үлкен резонанс тудырды: қазіргі кезде 31,85 теңге (ҚҚС-сыз) болатын бір киловатт-сағат құнын 38 теңгеге дейін көтеру жоспарлануда. Алайда түпкілікті шешім әлі қабылданған жоқ.

Табиғи монополияларды реттеу комитетінің хабарлауынша, тұрмыстық тұтынушылар үшін қолданыстағы тарифтер кем дегенде 25 қыркүйекке дейін өз күшінде қалады. Дәл осы күні жария тыңдаулардың нәтижесі бойынша ресми шешім қабылданбақ.

«ЭнергоСбыт» жобасы тұтыну көлеміне қарай дифференциалды тарифтерді енгізуді көздейді:

• 1-деңгей — 30,39 теңге/кВт·сағ
• 2-деңгей — 40,32 теңге/кВт·сағ
• 3-деңгей — 50,4 теңге/кВт·сағ

Бұл жүйе негізгі тұтыну нормасынан асып кеткендерге қатысты болады. «Алатау Жарық Компаниясы» АҚ-ның («ЭнергоСбыт») департаменті мен филиал өкілдерінің айтуынша, өзгерістер электр энергиясын ұтымды пайдалану мақсатында енгізілмек.

«Жария тыңдау барысында тұтынушыларға қажетті түсіндірмелер берілді. Олардың ұсыныстары мен ескертулерін ескере отырып, департамент шешімі заңмен белгіленген мерзімде қабылданады»,

Айта кетейік, Алматы қаласы мен Алматы облысында электр энергиясына қолданыстағы тариф 2025 жылғы 15 шілдеде белгіленген еді — 31,85 теңге (ҚҚС-сыз), ҚҚС-мен — 35,67 теңге.