Мексикада 33 тонна алтын концентраты бар тіркеме ұрланды

Мексикада өжет тонау оқиғасы болды: қарулы адамдар Grupo Minero Bacis компаниясының 33 тонна алтын мен күміс концентратын тасымалдап бара жатқан жүк көлігін тартып алды.

Оқиға қалай өрбіді

El Economista деректеріне сүйенсек, қаскөйлер екі көлікпен жолды бөгеп, жүргізуші мен күзетшіні тұтқынға алған. Жарты сағаттан аса уақыт оларды кепілде ұстап, кейін құны жоғары жүкті Мансанильо портына бағыт алып бара жатқан тіркемесімен ұрлап кеткен.

Қазіргі мәліметтер

Кейін жәбірленушілер бұл оқиға туралы Чапала бақылау-өткізу бекетіндегі Ұлттық гвардияға хабарлаған. Абырой болғанда, қызметкерлер зардап шекпеген.

Жүк көлігінің өзі кейін табылғанымен, концентрат тиелген тіркеме құрықтан жалтарып кеткен. Жүктің қазіргі орналасқан жері әзірге белгісіз.

Ұрланған шикізаттың нақты құны белгісіз, алайда компания өкілдері көпмиллиондық шығынға ұшырағандарын айтады.

Алтын мен күміс концентраты — бұл қазба өндірісінде алынатын аралық өнім, құрамында бағалы металдар (алтын мен күміс) бар кенді өңдеу нәтижесінде алынады.

Маңызды мәліметтер:

• Бұл — ерекше байытылған кен, мұнда алтын мен күміс мөлшері бастапқы жынысқа қарағанда әлдеқайда жоғары.

• Концентрат, әдетте, ұсақ түйіршікті ұнтақ, құм немесе сусымалы масса түрінде болады, кейде ылғалды да кездеседі.

• Түсі құрамына қарай сұр-күмістен сары-алтынға дейін өзгереді.