Жер асты аномалиясы Нью-Йоркке қарай қозғалып барады

Ғалымдар АҚШ-тың солтүстігінде ұзындығы шамамен 400 шақырым болатын, "Солтүстік Аппалач аномалиясы" аталған жер асты ыстық жыныстар массивін анықтады. Бұл құрылым Жер бетінің 200 километр тереңдігінде орналасқан және алты штаттың аумағын: Коннектикут, Мэн, Массачусетс, Нью-Гемпшир, Род-Айленд пен Вермонтты қамтиды.

Бұл жаңалық сейсмикалық томография әдісі арқылы табылды. Бұл — Жердің ішкі құрылымын сейсмикалық толқындардың таралу ерекшелігіне қарап зерттеуге мүмкіндік беретін әдіс. Аномалияның ең басты ерекшелігі — оның орналасқан жерінде: ол ежелгі Аппалач тауларының астында, вулкандар мен тектоникалық плиталардың шекараларынан алыс жатыр.

Зерттеулер аномалияның оңтүстікке – Нью-Йорк пен Нью-Джерси бағытына қарай баяу қозғалып бара жатқанын көрсетті. Әйтсе де оның қозғалу жылдамдығы өте баяу — әр миллион жылда небәрі 19 шақырым ғана жылжиды. Сол себепті, бұл аномалия Нью-Йорк аймағына жетуі үшін шамамен 15 миллион жыл қажет болады.

Айта кетерлігі, өткен айда Нью-Йорк табиғи апатқа тап болды: қалада қатты жауын жауып, ірі су тасқындарын тудырды. Автомагистралдар жабылып, көшелер мен метро станцияларын су басты, нәтижесінде мегаполистің көлік жүйесі жұмысын тоқтатты.