Мелания Трамптың Путинге жазған хатының мазмұны қандай болды?

2025 жылдың 15 тамызында Аляскада өткен АҚШ пен Ресей арасындағы соңғы саммит барысында бейресми, бірақ аса маңызды оқиға болды. АҚШ президенті Дональд Трамп Ресей президенті Владимир Путинге бірінші ханым Мелания Трамптан хатты өз қолымен табыстады. Ақ үйдің хабарлауынша, хаттың мазмұны гуманитарлық тақырыпқа — Ресей мен Украина арасындағы қақтығыс салдарынан зардап шеккен балалардың тағдырына арналды.

Хат туралы не белгілі

Хаттың мазмұны ресми түрде жарияланбағанымен, AP және басқа батыс басылымдарының мәліметінше, Мелания Трамп балалардың қиын жағдайына алаңдаушылығын білдірген. Бұл мәселе келіссөздер үдерісіндегі ең күрделі мәселелердің бірі болып отыр: Украина барлық күштеп әкетілген балалардың қайтарылуын талап етеді, ал Ресей эвакуация қауіпсіздік мақсатында жүргізілгенін алға тартады.

The Guardian газетінің жазуынша, хатта өте эмоцияналды үндеу болған: «Сіз үшін кішкентай ғана қолтаңба — олардың жарқын күлкісін қайтаруға жеткілікті. Уақыты келді». Басылым хаттың мәнері ресми емес, жеке сипатта болғанын атап өтеді.

Бірінші ханымның ықпалы

Мелания Трамп күйеуінің сыртқы саясаттағы шешімдеріне алғаш рет әсер етіп отырған жоқ. Бұған дейін The Times басылымы оның ұсынысынан кейін Дональд Трамп Киевке қару-жарақ жөнелту мәселесінде ұстанымын жұмсартқанын хабарлаған еді. Өзі де сұхбатында: «Ол өте ақылды. Өте бейтарап адам. Мен сияқты, ол да адамдардың өлімін тоқтатқанын қалайды», — деген болатын Трамп.

Саммит қорытындылары

Аляскадағы саммит нақты келісімдерге әкелген жоқ. Тараптар келіссөздерді «конструктивті» деп бағалады, бірақ Украина мәселесінде айтарлықтай ілгерілеушілік байқалмады. Бұрын украин тарапынан берілген көшірілген балалар тізімі бойынша жұмыс жалғасуда.

Әлемдік реакция

АҚШ бірінші ханымының гуманитарлық қадамы Батыс басылымдарында оң қабылданды. Алайда Ресейде бұл жайтқа салқынқандылық танытылды, Кремль тарапынан Мелания Трамптың хатына байланысты ресми түсініктеме әлі берілген жоқ.

Соған қарамастан, сарапшылар мұндай бастамалардың елдер арасындағы диалогты жұмсартуға ықпал етуі мүмкін деген пікірде. Әсіресе, саясаттан тыс — бала құқығы, гуманитарлық көмек сияқты маңызды мәселелер аясында.