Қазақстанда жаңа салық енгізілді — ол кімдерге қатысты және қанша төлеу керек

2025 жылдың 18 шілдесінен бастап Қазақстанда жаңа Салық кодексі күшіне енді. Онда тікелей «люкс салығы» көрсетілмесе де, мемлекет қымбат мүлікке арналған арнайы салық және акциз ставкаларын енгізді. Қазір нені «люкс» деп есептейді және қанша төлеу керек екенін айтып өтеміз, Kazinform агенттігіне сілтеме жасай отырып.

Қандай нысандарға салық пен акциз салынады

• 18 000 АЕК-тен жоғары тұратын көліктер (2025 жылы шамамен 69 млн теңге) — құнының 10% акциз салынады.
• 24 000 АЕК-ден қымбат яхталар мен жеке ұшақтар (шамамен 92 млн теңге) — сонымен қатар 10% акциз.
• 500 000 теңгеден қымбат алкоголь — әр литрі үшін құнының 10% акциз.
• Бір данасы 10 000 теңгеден қымбат сигаралар — әр дана үшін 10% акциз.
• Бір адамға жалпы құны 450 млн теңгеден асатын жылжымайтын мүлік — жалпы соманың 2% мүлік салығы.

Жылжымайтын мүліктің құны қалай анықталады

Бағалауды «Азаматтарға арналған үкімет» мемлекеттік корпорациясы жүргізеді. Әдетте бұл сома нарықтық бағадан төмен болады. Сонымен қатар, люкс коэффициенті қолданылады, ол 1-ге тең. Мәслихаттар тұрғын үй санатына қарай коэффициентті 1,5-ке дейін арттыра алады.

Қымбат жылжымайтын мүлікке салық қалай есептеледі

Егер бір адамның барлық нысандарының жиынтық құны 450 млн теңгеден асып кетсе, келесі формула қолданылады:

• 2 946 600 теңге — бұл ең төменгі салық,
• + 450 млн теңгеден асқан сомаға 2%.

Егер жалпы құн белгіленген межеден төмен болса, әр нысанға бөлек салық есептеледі.

Бұл кімдерге әсер етеді?

Экономика министрлігі өкілдерінің айтуынша, бұл өзгерістер еліміздегі ауқатты азаматтардың өте тар тобына ғана қатысты болады. Негізгі мақсат — салық жүктемесінің әділдігін арттыру және бюджет толықтыру.

Яғни, Қазақстанда ресми люкс салығы жоқ болғанымен, енді люкс заттар — автокөлік, тұрғын үй, яхта мен сигара үшін көбірек төлеуге тура келеді.