Алматыда автокөліктердің шығарған газдарын дрондар арқылы қадағалауды қашан бастайды

Алматыда экологиялық санаты төмен көліктер үшін қалаға кіруге арналған экологиялық алым енгізілмек. Қала әкімдігі хабарлағандай, шаһар түгелдей төмендетілген шығарынды аймағы болып жарияланады. Евро-5 стандартынан төмен автокөліктердің иелері өз көліктерін мегаполис көшелерінде пайдаланғаны үшін алым төлейтін болады.

Жоба қашан басталады

Билік өкілдерінің айтуынша, бақылау жүйесі кезең-кезеңімен енгізіледі. 2025 жылдың қазанында бұл жүйе орталық магистральдарда пилоттық режимде іске қосылады. Бұл кезеңде алым алынбайды — мамандар датчиктер мен пилотсыз ұшу аппараттарының жұмысын сынап көріп, автопарктің құрамын талдайды.

Алдағы уақытта Алматыға Евро-0—4 класындағы бензинді, сондай-ақ барлық дизельді көліктердің кіруі ақылы болады. Электромобильдер, сутегімен жүретін көліктер, сондай-ақ Евро-5 және Евро-6 стандартындағы автокөліктер алымнан босатылады.

Алым қалай төленеді

Алматылықтар мен қала маңында тұрып, шаһарда жұмыс істейтіндер үшін жеңілдіктер қарастырылған — «Таза қала» жүйесіне тіркеліп, техникалық тексерістен сәтті өткені жағдайда ай сайынғы абонемент жеңілдікпен беріледі. Абонементсіз автокөлік иелері бір күндік төлем төлеуге тиіс болады. Сағаттық тариф енгізу жоспарда жоқ.

Кіру құны қанша болады

Төлем мөлшері әзірге бекітілмеді. Билік экологиялық алымнан түскен қаражаттың барлығын қоғамдық көлікті дамытуға, экологиялық жобаларға және әлеуметтік қолдау шараларына бағыттауға уәде береді.

«Осындай құралдардың бірі — ескі экологиялық санаты төмен автокөліктерді қалалықтардан сатып алу бағдарламасы болмақ, бұл автопаркті жаңартуды тездетуге мүмкіндік береді»,

Экосборға қанша көлік ілігеді

Ұлттық статистика бюросының деректеріне сәйкес, 2025 жылдың 1 тамызындағы жағдай бойынша Алматыда 20 жылдан асқан 207 мың автокөлік тіркелген. Олардың барлығы алым төлейтін автокөліктер тізімінде болмақ. Мысалы, егер тәуліктік тариф 100 теңге (бір сағаттық тұрақ құны) болса, тек жиырма жылдан асқан көліктердің есебінен қалалық қазынаға бір күнде 20 миллион теңгеден астам, айына жарты миллиардтан артық, жылына шамамен 7,5 миллиард теңге түседі.

Бұл көрсеткіш Алматыға күн сайын кіретін басқа аймақтардың көптеген Евро-5-ке сай келмейтін көліктерін қоспағандағы есеп.

Әртүрлі елдер Евро-5 стандартын қашан енгізді