Қаржы министрлігінде ОКЭД-тің түпкілікті тізімі қашан жарияланатынын айтты

2025 жылғы 24 қыркүйекте жаңа Салық кодексіне арналған семинар басталар алдында Қаржы вице-министрі Ержан Біржанов Экономикалық қызмет түрлерінің жалпы классификаторы (ОКЭД) бойынша жағдайды түсіндіріп өтті.

Бұған дейін интернетте кәсіпкерлер арасында қызу талқылауға себеп болған жаңартылған ОКЭД тізімі пайда болған еді. Дегенмен, Біржановтың айтуынша, бұл құжаттың ресми күші жоқ.

«Бүгін талқыланып жатқан тізім – ресми емес. Ұлттық экономика министрлігі бизнес қауымдастығымен бірге қай салаларды алып тастау қажет екенін талқылауда. Бұл жұмыс жалғасып жатыр. БАҚ-қа түскен тізімді мемлекеттік органдар жолдаған жоқ. Бұл түпкілікті тізім емес. Ол өзекті де, шынайы да емес. Себебі онда рұқсат етілген қызмет түрі бар болғаны 100 ғана»,

Ол нағыз тізім әлдеқайда кең болады және экономиканың көбірек саласын қамтитынын атап өтті.

«Бұл тізімде қолдау көрсетілуі тиіс салық төлеушілер бар – ол ауыл шаруашылығы, микро және шағын бизнес. Бұл құжатта анық көрініс табады. Оны Ұлттық экономика министрлігі дайындап жатыр және ол алдағы күндері жарияланады»,

Сондай-ақ, ОКЭД-тің ресми жаңартылған классификаторы Ұлттық экономика министрлігі бекіткеннен кейін ғана жария етіледі. Билік өкілдері түпкілікті құжат негізгі салалар мен кәсіпкерлер мүддесін есепке алатынына сендірді.