Ашық Wi-Fi үшін бизнес қандай айыппұлдар алуы мүмкін?

2025 жылдың 4 қазанынан бастап Қазақстанда байланыс қызметтерін көрсету жөніндегі жаңа ережелер күшіне енеді. Кафе, мейрамхана, сауда орталықтары мен басқа да қоғамдық орындардың иелері, онда Wi-Fi ұсынылатын орындар, пайдаланушыларды міндетті түрде авторизациядан өткізуге тиіс.

Wi-Fi-ға қалай қосылуға болады

Енді келушілер интернетке тек екі тәсілмен шыға алады:

• кіру кезінде көрсетілген телефон нөміріне бір реттік SMS-код алу арқылы;
• электрондық цифрлық қолтаңба (ЭЦҚ) көмегімен eGov порталы арқылы авторизациядан өту арқылы.

Осылайша, әдеттегі «ашық Wi-Fi» құпиясөзсіз жойылады. Барлық қосылулар нақты пайдаланушыға байланыстырылуы тиіс.

Қандай айыппұлдар қарастырылған

Заңгерлердің пікірінше, мұндай жағдайда бақылаушы органдар қолданыстағы Қазақстан Республикасы Әкімшілік құқық бұзушылық туралы кодексінің 637-бабы, «Байланыс саласындағы заңнаманы бұзу» нормаларын негізге ала алады. Яғни:

• 637-баптың 1-бөлігінің 17-тармағы — «байланыс қызметтерін көрсету қағидаларын бұзу». Айыппұл: жеке тұлғалар үшін 10 АЕК, лауазымды тұлғалар мен жеке кәсіпкерлер үшін 20 АЕК, орта бизнеске 40 АЕК, ірі бизнеске 100 АЕК.
• 637-баптың 2-бөлігі — жыл ішінде қайталап бұзушылық жасаған жағдайда айыппұл мөлшері екі есе өседі: ірі компаниялар үшін 200 АЕК-ке дейін.

Сонымен қатар, пайдаланушылардың авторизациялық деректерін сақтау талап етіледі, себебі сұраныс туындаған жағдайда оларды ұсыну қажет болады — әйтпесе ақпаратты не себепті енгізу керек? Ал «абоненттер туралы ақпаратты жинау мен сақтауды орындамағаны» үшін де қосымша айыппұл салынады:

• 637-баптың 3-бөлігі — «абоненттер туралы ақпаратты жинау және сақтау міндетін орындамау». Айыппұл: шағын бизнеске – 50 АЕК, орта бизнеске – 100 АЕК, ірі бизнеске – 500 АЕК. Қайталап бұзылғанда – 2 000 АЕК-ке дейін.

Осылайша, кафе, мейрамхана және басқа да бизнес нысандары авторизациясыз ашық Wi-Fi ұсынғаны үшін жеке кәсіпкерлерге 20 АЕК-тен бастап, заңды тұлғаларға (ЖШС, АҚ) жүздеген АЕК көлеміне дейін айыппұл салынуы мүмкін. Қайталанған жағдайда айыппұлдар едәуір ұлғаяды.

Жаңа ережелердің қаншалықты қатаң бақыланатыны әзірге белгісіз. Тексерулер бірден басталмауы да, кейбір өңірлерде жеңіл қаралуы да ғажап емес. Дегенмен, ережелер орындалмаған жағдайда, бизнестің айыппұл төлеу қаупі бар екені анық.