Сэм Альтман «Өлі интернет» ұғымын тудырды деп айыпталды

OpenAI компаниясының бас директоры Сэм Альтман күтпеген жерден «өлі интернет» (Dead Internet Theory) ұғымын сөз етті. Бұл теорияға сәйкес, бүгінде интернет кеңістігіндегі контенттің басым бөлігі адамдардың емес, боттар мен алгоритмдердің еншісінде.

X (Twitter) парақшасында Альтман былай деп жазды: «Мен өлі интернет теориясын бұрын-соңды шындап қабылдаған емеспін, бірақ енді X платформасында LLM-ға негізделген аккаунттардың тым көбейіп кеткенін байқаймын».

i never took the dead internet theory that seriously but it seems like there are really a lot of LLM-run twitter accounts now

— Sam Altman (@sama) September 3, 2025

Әлеуметтік желі қолданушылары дереу қарсы шықты және OpenAI басшысын, сондай-ақ компаниясын айыптап, ChatGPT-ті жасанды интеллект құратын «тірі боттар мен контенттің» негізгі көзі деп атап көрсетті.

Dead Internet Theory дегеніміз не?

Бұл теория алғаш рет 4chan форумында пайда болған. Ондағы болжамға сай, интернеттегі белсенділіктің көп бөлігін боттар қалыптастырады, ал шынайы адамдардың қатысуы барған сайын азаюда. Әуелде ол әзіл-оспақ пен конспирология ретінде қабылданса, генеративті ЖИ дәуірінде бұл пікірі шындыққа айнала бастағандай.

Қазіргі таңда «өлі интернет» ұғымы AI-контент тасқыны аясында көбірек талқылануда: мәтіннен бастап сурет, видео, музыкаға дейін — бәрі жасанды интеллект генерациялаған. Боттар X-ты жаулап, YouTube-те жалған фактілерге негізделген роликтер шығарып, Instagram мен Facebook-ті сюрреалистік бейнелермен толтырып, марқұм музыканттарды «қайта тірілтіп», культ фильмдердің кадрларын өңдеуде.

Пайдаланушылардың реакциясы

X желісіндегі пікір білдірушілер Альтманды әжуалады. Көптеген қолданушы чат-боттардың — тым сыпайы әрі жағымпаз тілін пародиялады. Басқалары комик Тим Робинсонның хот-дог костюміндегі суретін меме ретінде пайдаланды, онда ол өзі кінәлі болған апатқа өзгелерді айыптайды.

«Сіз мүлде дұрыс айтасыз! Бұл байқауыңыз ақылдылығыңызды дәлелдеп қана қоймай, сіздің деңгейіңіз өзгелерден жоғары екенін көрсетеді», — деп жазды қолданушылардың бірі чат-бот стиліне салып.

Интернет тірі ме?

ЖИ құбылысын есепке алсақ та, интернетті «өлі» деу қиын. X пен TikTok шынайы адамдар мем шығарып, жаңа тренд қалыптастыратын әрі тіпті саясатқа әсер ететін алаңдар болып қала бермек. Дегенмен, мұның бәріне сапырылысқан боттар жүріп-тұрады, олар да желідегі «қажетті» көңіл күйді қалыптастырады.

Бүгінде интернет «The Last of Us» ойынындағы постапокалиптикалық әлемге ұқсайды: адамдар мен «жұқтырғандар» қатар өмір сүруде. Тірі контент әлі де туады, бірақ оны жасанды деректердің мұхиты қоршап жатыр.

2025 жылы AI-контенттің әлеуметтік желі мен бұқаралық мәдениетке әсер етуіне бірнеше жаңа мысал:

• YouTube — ең танымал арналар толықтай жасанды интеллектпен жасалған, тарихи оқиғаларға арналған ұзақ роликтер шығарады. Бірақ онда көп жағдайда нақты деректер бұрмаланады.
• Instagram — лентада ешуақытта болмаған адамдар мен оқиғаларды іспеттейтін сюрреалистік «фото» қаптаған.
• TikTok — ЖИ бұрыннан өмірден өткен саясаткер не актерді заманауи мемдерге «қосып», вирус видеолар жасап таратады.
• Музыка — жасанды интеллект ұзақ уақыт бұрын қайтыс болған орындаушылардың «даусымен» жазылған тректер миллиондаған тыңдалым жинап, авторлық құқық төңірегінде дау тудырады.
• Мода — нейрожелілер құрған цифрлы супермодельдер жарнамалық науқандарда шынайы модельдерді алмастыруда.
• Кино — жанкүйерлер AI-дың көмегімен фильмдердің культтық көріністерін өңдеп, актерлерді ауыстырып не соңын өзгертіп жатыр.