Психиатр жаңа тұлға типін анықтады — отровертер

Егер өзіңізді интроверттерге де, экстраверттерге де қоса алмасаңыз, мүмкін, сіз жаңа тұлға типіне — отровертер қатарына жатасыз. Бұл туралы америкалық психиатр Рами Камински Daily Mail басылымына берген сұхбатында айтты.

Маманның айтуынша, отровертер — бұл топтармен байланысын сезінбейтін, ұжымдық сәйкестік пен дәстүрлерді қабылдамайтын, бірақ жеке адамдармен тез тіл табыса алатын тұлғалар. Олар мейірімді, берік қарым-қатынас орната алады, тіпті компанияларда танымал болуы мүмкін, алайда ішкі жан дүниесінде әрдайым "бөлек" сезінеді.

«Қарапайым тілмен айтқанда, отровертер — ешбір топпен байланысын сезбейтін адамдар. Олар өте мейірімді, терең жеке қарым-қатынастар құра алады, бірақ олардың ерекшелігі — ұжымдық сәйкестік пен дәстүрлерді бөліспеуінде»,

Отровертерге тән белгілер:

• командалық спорт түрлеріне қызығушылықтың жоқтығы;
• топ ішіндегі дәстүрлер мен ритуалдарға скептикалық көзқарас;
• жеке жұмыс істеуді ұнату;
• көбірек жеке, терең әңгімелерге ұмтылу, көпшіліктегі у-шу қарым-қатынасқа қарағанда.

Осы ретте, отровертер — жалғыздықты сүйетіндер емес. Олардың ерекшелігі — қауымдастыққа қосылудан мән іздемеуі, бірақ өте берік жеке байланыстар құра алуы. Бұдан бөлек, олар бас тартылу қорқынышына азырақ ұшырайды және көбінесе еркін ойлы, тәуелсіз әрі креативті болады.

Камински отровертер арасынан көптеген танымал тұлғаларды кездестіруге болатынын көрсетеді: физик Альберт Эйнштейн, суретші Фрида Кало, жазушылар Джордж Оруэлл, Франц Кафка және Вирджиния Вулф. Олар ешқандай топқа жатпаған әрі өз болмысына адал қалған.

Бұл неге маңызды

Зерттеушілер өз тұлға типін түсіну адамға өз реакциялары мен мінез-құлқын жақынырақ тануға мүмкіндік беретінін айтады. Өзіңізді отровертер деп тану — "жат" сезімінен арылтып, ерекше жақтарын, атап айтқанда, стандарттан тыс ойлау, тәуелсіздік пен топтық қысымға берілмеу қасиеттерін айшықтайды.

Қазіргі заманғы психологтар да "отровертер" концепциясы интроверттер мен экстраверттерге дәстүрлі бөлуді кеңейтуге мүмкіндік беретінін алға тартады. Бұл әлеуметтік желілер мен бұқаралық қауымдастықтар дәуірінде айрықша маңызды, өйткені көптеген адамдар өзін шеттетілгендей сезінеді, алайда замкнут немесе тұйық деуге де келмейді.