Қазақстанда су құбыры желілерін 49 жылға дейін жалға беру басталады

Қазақстанда су жіберу және су бұру жүйелерін басқару ережелері өзгеруде. 2025 жылдың 19 қыркүйегінен бастап Өнеркәсіп және құрылыс министрінің бұйрығы күшіне енеді, ол мұндай объектілерді жалға беру мен сенімгерлік басқарудың жаңа тетіктерін бекітеді.

Басты жаңалық: Енді су құбыры мен кәріз желілерін жалға немесе сенімгерлік басқаруға 1 жылдан 49 жылға дейінгі мерзімге беруге болады, бірақ оларды сатып алу құқығы берілмейді. Барлық шешімдер тек конкурс негізінде қабылданады.

Жалға алушылар үшін қатаң талаптар

Жалға алушылар мен басқарушылар нысандарды тек тікелей мақсаты бойынша пайдалануға міндетті, ал кез келген тәртіп бұзу – шартты бұзуға негіз болады. Бұған қоса, олар технологиялық жұмыс үдерісін сақтап, су ресурстарын ластанудан және азаюдан қорғауы керек.

Конкурс талаптары бойынша:

• Жалға беру не басқару мерзімі нысанның жағдайы мен тозуына байланысты анықталады;
• Кепілдік жарна міндетті – баланстық құнынan 3%, бірақ 200-ден кем, 30 000 АЕК-тен артық емес;
• Комиссия құжаттарды бекітіп, өтінімдерді реестрдің веб-порталында қарастырады;
• Конкурс қорытындысы өтінімдер ашылған күннен бастап 10 жұмыс күнінен кешіктірілмей шығарылады;
• Жеңімпаз кепілдік жарна төлегеннен кейін басқару құқығына ие болады.

Жаңашылдық кімдерге қатысты

Ережелер қалалар мен кенттердегі, ауылдық округтердегі су нысандарына қолданылады. Су нысандарын жалға немесе сенімгерлік басқаруға беру туралы шешім жергілікті қоғамдастықпен және әкім аппаратымен келісіліп қабылданады.

Су нысандарын жеке басқаруға беру жүйелердің тиімділігін арттыруға және халық үшін судың сапасын сақтауға бағытталған.

Осылайша, Қазақстанда су құбыры жүйелерін басқару айқынырақ әрі бәсекеге қабілетті болмақ, ал су сапасын сақтау мен экологиялық қауіпсіздік міндетті шарттар ретінде бекітілген.