Ғалым: Әлі 10 жыл өлмеңіздер — одан әрі сіздер мәңгілік өмір сүре аласыздар

Америкалық иммунолог Дерья Унутмаз адамзат өркениетінің тарихында ең ірі ашылудың — қартаюды жеңудің қарсаңында тұрғанын айтты. Оның айтуынша, ғылым жақын жылдарда осы үдерісті кері айналдырып, адамдарға жастығын қайтара алады.

«Өтініш, алдағы 10 жылда өлмеңіздер. Осы уақыт аралығында өмір сүруге тырысыңыздар. Егер 10 жыл өмір сүре алсаңыздар, сіздерге тағы 5 жыл берілмек, ал 15 жыл өмір сүрсеңіздер, тағы 50 жыл қосылады. Біз қартаю мәселесін шешеміз. Адамзат тарихында алғаш рет қартаю үдерістерін кері қайтара алу мүмкіндігіне ие болдық. Біз 80, тіпті 100 жастағы қарттарды да 20 жастағы биологиялық жасқа жеткізе аламыз. Бұл тарихтағы айрықша сәт әрі ғылымдағы ең ірі жаңалықтардың бірі болмақ.»

Ғалымның айтуынша, алдағы онжылдық адамзаттың басты сын-қатерлерінің бірімен күресте шешуші кезең болмақ. Егер технология дамуын осындай қарқынмен жалғастырса, адамдар өмірін әлдеқайда ұзартуға, денсаулығы мен белсенділігін сақтауға мүмкіндік алады.

📁 Derya Unutmaz, immunologists and top experts on T cells, is internationally recognized for his pioneering work on immunity, aging, and chronic disease. This is what he says about AI:

“Don’t die in the next 10 years. Please try to survive, because if you live 10 years, you’re… pic.twitter.com/IxQoWa7ycM

— Jon Hernandez (@JonhernandezIA) August 17, 2025

Дерья Унутмаз кім?

Дерья Унутмаз — түрік тектес америкалық иммунолог, Коннектикут университетінің медицина мектебінің профессоры (UConn Health). Ол — Т-жасушалар мен иммундық жүйе бойынша әлемдік алдыңғы қатарлы ғалымдардың бірі. Зерттеулері иммунитет, қартаю және созылмалы ауруларға арналған. Унутмаз биомедицина саласындағы жобалармен белсенді айналысады және жасанды интеллектті ауруларды анықтау мен емдеуге қолдану жолдарын зерттейді.

Оның ғылыми еңбектері халықаралық деңгейде мойындалған, ал қартаюға қарсы күрес жайлы соңғы мәлімдемелері ғылым қауымдастығында да, одан тыс та қызу пікірталас туғызды.