Алматыда полицейлер электросамокаттарға мінді

Алматыда полиция алғаш рет қала көшелерін патрульдеуде электросамокаттарды жаппай қолданды. Қалалық полиция департаментінің баспасөз қызметі мәлімдегендей, 2025 жылғы 28 тамызда жеке қозғалыс құралдарын пайдалану ережелерін қадағалауға арналған ауқымды рейд өтті.

Жеке қозғалыс құралдарына мыналар жатады:

• электросамокаттар
• электроскейтбордтар
• гироскутерлер
• сегвейлер
• монодөңгелектер

➡️ Айта кету керек, электровелосипедтер заң жүзінде жеке қозғалыс құралы болып саналмайды, олар велосипед ретінде тіркеледі.

Патрульдік экипаждармен бірге жолға шерингілік компаниялар ұсынған 50 полицей электросамокатпен шықты. Тәртіп сақшыларының айтуынша, мұндай формат құқықбұзушылықтарға жедел әрекет етуге, полицияның халық көп жиналатын жерлерде және көлік кіре алмайтын орындарда болуын қамтамасыз етуге мүмкіндік береді.

«Бұл тәжірибе құқықбұзушылықтарға жылдам әрекет етуге, халық көп шоғырланған жерлерде және автокөлік жетуі қиын орындарда жұмыс жүргізуге, сондай-ақ алдын алу шараларын іске асыруға мүмкіндік береді. Қазіргі уақытта полицейлердің самокаттарды тұрақты пайдалануы бойынша келіссөздер жүріп жатыр.»

Полицияда бұл бастама әзірге пилоттық сипатта екенін, дегенмен тәжірибені тұрақты тәртіпке енгізу мүмкіндігі қарастырылып жатқанын атап өтті. Электросамокатты пайдалану патрульдік қызметтің тиімділігін арттырып, жол ережесін бұзу деңгейін төмендету бойынша кешенді бағдарламаның бір бөлігіне айналуы мүмкін.